O CUARTO MUNDO

Despois do que lin no blogue "Enreliando", o que máis me sorprende é pensar que, coma ben nomea o texto, isto ocorre ao lado da casa. Todos estamos moi acostumados a saír á rúa e ver un home pedindo, ao dia seguinte, ver una muller cun bebé no supermercado, outro home no aparcadoiro … e así, día tras día, vemos persoas que viven no chamado “Cuarto Mundo” e non nos inmutamos.

O que eu propoño é: Cada vez que vexas a un home, a unha muller, a un neno ou nena que non teñan recursos, ponte no seu lugar, pensa, se ti; estando nesta precaria situación, considerarías que estás recibindo un bo trato; que estás tendo unha aceptación na sociedade e nos lugares públicos. Que, despois de escoitar toda a túa vida falar dos chamados “Dereito humanos” están sendo aplicados sobre ti.

Tamén teño dúbidas. Penso en se estes nenos que xa nacen nun cuarto mundo, teñen as mesmas oportunidades que outros. Dubido moito que un neno pobre poida ter a mesma formación que un que non o é. Dubido moito que un neno pobre chegue ao mesmo posto de traballo que un que non o é. Dubido moito se un neno pobre terá un futuro digno.

O cuarto mundo é un círculo vicioso, estas persoas están tan esquecidas, apartadas cara un lado, sen ningún tipo de axudas, que non poden saír. É moi fácil dicir: “Pois que atopen un traballo”, Pero, sexamos realistas, esta minoría está tan discriminada que non poderían conseguilo, por moito que eles quixeran.

Por outra banda, estas as persoas que naceron no “Primeiro Mundo” e, acabaron caendo no nomeado anteriormente. Considero que pode ser por diversos factores: a crise económica, a mala formación escolar (a causa da escaseza de recursos), tomar mal rumbo na vida …

A esta xente tamén se lla discrimina, todo o mundo escoitou algo parecido a: “Mira como acabou”, “Ese xa non ten futuro”, “Se houbera estudado”… E por este tipo de actitude, a xente acaba desta maneira, porque, aínda que el faga todo o posible por volver a integrarse na sociedade, a sociedade considérao un residuo, algo que sobra, que non fai falla.

Ao mellor, esa persoa tomou unha mala decisión na súa vida; ao mellor, esa persoa realizou unha mala acción ou; ao mellor, outras persoas fixéreno caer na pobreza. Pero nisto nunca se pensa, só se pensa no resultado, pero non no camiño; non se pensa que todos os que hoxe critican mañá poden ser os criticados e, entón, daranse contas do inxustos que foron.

Se no mundo, se mirara un pouco máis polo débil, en vez de pretender abrir fendas abismais entre as clases sociais, xa non existiría un “Cuarto Mundo” e, na miña opinión, coma sigamos asía acabará habendo un "Quinto Mundo".

Ninguén debería vivir nun cuarto mundo, nin nun primeiro, nin nun segundo. A xente debería vivir nun Mundo global.